ELM VƏ TƏHSİL


Milli Azərbaycan Tarixi Muzeyində Arxeo Klub yaradılıb

Bakı, 24 yanvar, AZƏRTAC

Azərbaycan Milli Elmlər Akademiyasının Milli Azərbaycan Tarixi Muzeyində (MATM) Arxeo Klub yaradılıb.

Bu barədə AZƏRTAC-a MATM-ın arxeologiya elmi fond şöbəsinin müdiri, tarix üzrə fəlsəfə doktoru Nasir Quluzadə məlumat verib. O deyib ki, Arxeo Klubun yaradılmasında əsas məqsəd gənc nəslin arxeologiya sahəsində biliklərini artırmaq, mədəni irs və tarixi abidələrimizi təbliğ etmək, bu istiqamətdə təhsil müəssisələrində maarifləndirici tədbirlər keçirməkdən ibarətdir. Həmçinin müxtəlif layihələr reallaşdırılacaq.

Xatırladaq ki, muzeyin arxeoloji kolleksiyasına 50 mindən çox arxeoloji və təsadüfi tapıntı daxildir. Bütün arxeoloji tapıntılar qeydiyyatdan keçirilərək qablaşdırılır və fondda saxlanılır. 2008-ci ildən bəri fond əşyalarının elektron pasportlaşdırılması həyata keçirilir. İndiyədək 12 mindən çox arxeoloji tapıntının elektron pasportu tərtib olunub.

Müəssisənin ekspozisiyasında 1195 arxeoloji eksponat nümayiş etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.