REGİONLAR


Mingəçevir Dövlət Universitetində “Sığorta biliklərinin formalaşdırılması” mövzusunda dəyirmi masa keçirilib

Bakı, 6 may, AZƏRTAC

Mingəçevir Dövlət Universitetində (MDU) “Sığorta biliklərinin formalaşdırılması” mövzusunda dəyirmi masa keçirilib.

Universitetdən AZƏRTAC-a bildiriblər ki, “Microsoft Teams” platforması üzərindən onlayn formatda təşkil olunan dəyirmi masada çıxış edən MDU-nun İqtisadiyyat və idarəetmə fakültəsinin dekanı Nüşabə Qədimli son dövrdə bu ali təhsil ocağında cəmiyyət həyatının müxtəlif sahələrini əhatə edən aktual mövzularla bağlı çoxsaylı maarifləndirici tədbirlərin keçirildiyini diqqətə çatdırıb. Hazırda sığorta sahəsində biliklərin artırılmasına böyük ehtiyac duyulduğunu qeyd edən N.Qədimli dəyirmi masanın əhəmiyyətindən bəhs edib.

MDU-nun tələbəsi Çingiz Çingizzadə “Sığorta ilə bağlı ümumi anlayış”, Bakı Biznes Universitetinin tələbəsi Mübarək Aydəmirov “Sığorta sazişlərinin beynəlxalq mühasibat standartlarında tanınması” mövzularında çıxış ediblər.

Tələbələrin aktuallığı ilə seçilən mövzularda çıxışları maraqla qarşılanıb və məruzələr ətrafında geniş fikir mübadiləsi aparılıb. Dəyirmi masada qonaq qismində iştirak edən Azərbaycan Dövlət Sığorta Şirkətinin Mingəçevir şəhər filialının direktoru Nazim Səfərov, Azərbaycan Sənaye Sığorta Şirkətinin qəza meneceri Elməddin Nağıyev sığorta işinə dair iştirakçıların çoxsaylı suallarını cavablandırıb və tələbələrə müvafiq tövsiyələrini çatdırıblar.

Qeyd edək ki, MDU-da sənaye nümayəndələrinin fəal iştirakı ilə ölkə və region iqtisadiyyatının aktual problemlərinə həsr olunan elmi konfranslar, seminarlar və dəyirmi masaların keçirilməsinə xüsusi önəm verilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.