SİYASƏT


Misir Universitetində Azərbaycan dili tədris olunur

Bakı, 13 fevral, AZƏRTAC

“Vətənpərvər” - Azərbaycanın Misirdəki Diaspor Təşkilatları Birliyi bu ölkənin Ayn-Şəms Universitetinin ədəbiyyat fakültəsinin “Şərq dilləri” bölməsində Azərbaycan dilinin tədrisinə başlayıb.

Diasporla İş üzrə Dövlət Komitəsindən AZƏRTAC-a bildiriblər ki, Azərbaycan dilini tələbələrə tədris birliyinin sədr müavini Sədaqət Səmədova tədris edir. Universitetin 2-ci və 3-cü kurslarında keçilən Azərbaycan dili dərslərində 350 nəfərdən çox tələbə iştirak edir. Azərbaycan dilini öyrənməyə böyük maraq göstərən gənclər dili daha yaxşı mənimsəmək üçün diaspor təşkilatından əlavə kursların təşkilini xahiş ediblər. Birliyin sədri, tədqiqatçı-alim Seymur Nəsirov bunun üçün bütün imkanların olduğunu bildirərək yaxın günlərdə Qahirədəki diaspor mərkəzində Azərbaycan dilini öyrənmək istəyən tələbələrə əlavə kursların təşkil olunacağını qeyd edib.

Hazırda Qahirədə diaspor mərkəzində gənclərə Azərbaycan dilinin tədrisi ilə yanaşı, tələbələrə ölkəmizin tarixi, mədəniyyəti və həqiqətləri barədə də məlumat verilir.

"Vətənpərvər" - Azərbaycanın Misirdəki Diaspor Təşkilatları Birliyi bu sahədə Azərbaycan Respublikasının Misir Ərəb Respublikasındakı səfirliyi ilə birgə fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.