DÜNYA


Misirdə COVID-19-a yoluxanların sayı 80 min nəfəri keçib

Qahirə, 11 iyul, AZƏRTAC

Misirdə COVID-19-a yoluxanların sayı 80 min nəfəri keçib. AZƏRTAC xəbər verir ki, bu ölkənin Səhiyyə Nazirliyi son sutka ərzində daha 981 nəfərin yeni növ koronavirusa yoluxduğunu, 85 pasiyentin isə vəfat etdiyini bildirib.

Nazirliyin mətbuat katibi Xalid Meqahed qeyd edib ki, pandemiya başlayandan indiyədək ölkədə 80 min 235 yoluxma, 3702 ölüm faktı qeydə alınıb, 23 mindən çox pasiyent isə sağalıb. O, bəzi mətbuat orqanlarında Misirdə uşaqlar arasında kavasaki xəstəliyinin (ağciyərlərdə orta və kiçik arteriyaların zədələnməsi) yayılması barədə çıxan xəbərləri təkzib edib.

Misir Prezidenti Əbdülfəttah əl-Sisi nazirlərlə keçirdiyi müşavirədə karantin xəstəxanalarının dərman preparatları və tibbi ləvazimatla təchiz edilməsinə nəzarətin gücləndirilməsi, habelə pandemiyanın sosial-iqtisadi fəsadlarının tezliklə aradan qaldırılması barədə tapşırıqlar verib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.