SİYASƏT


Moskvadakı iğtişaşlarda azərbaycanlıların iştirakı ilə bağlı heç bir fakt qeydə alınmamışdır

Bakı, 17 dekabr (AZƏRTAC). Rusiyanın paytaxtında və regionlarında yaranmış vəziyyətlə əlaqədar Diasporla İş üzrə Dövlət Komitəsinin (DİDK) əməkdaşları Moskvaya ezam olunmuşlar.

Bu məlumatı DİDK-in sədri Nazim İbrahimov dekabrın 17-də Yeni Azərbaycan Partiyasının mərkəzi qərargahında keçirdiyi mətbuat konfransında vermişdir.

N.İbrahimov bildirmişdir ki, komitənin əməkdaşları Rusiyanın paytaxtında və regionlarında yaşayan azərbaycanlıların vəziyyəti ilə maraqlanmış, onların məlum iğtişaşlarda iştirakını araşdırmışlar.

Komitə sədri demişdir: “Azərbaycanlıların bu iğtişaşlarda iştirakı ilə əlaqədar heç bir fakt qeydə alınmamışdır. Soydaşlarımızla bağlı ciddi narahatlıq doğuran problem yoxdur. Biz inanırıq ki, Rusiya hökuməti tezliklə hər şeyi qaydasına qoyacaq və tam sabitlik bərpa olacaqdır”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.