REGİONLAR


Naxçıvanda “İstedadlı şagirdlər” albom-kataloqunun təqdimatı olub

Naxçıvan, 22 may, AZƏRTAC

Naxçıvan şəhərindəki Heydər Əliyev Uşaq-Gənclər Yaradıcılıq Mərkəzində “İstedadlı şagirdlər” albom-kataloqunun təqdimatı olub.

Naxçıvan Muxtar Respublikası Təhsil Nazirliyindən AZƏRTAC-ın Naxçıvan bürosuna bildirilib ki, tədbirdə çıxış edən Təhsil Nazirliyi Aparatının rəhbəri Rəşad Əlizadə təhsilə göstərilən dövlət qayğısının nəticəsində ümumtəhsil müəssisələri ilə yanaşı, məktəbdənkənar tərbiyə müəssisələrində də uşaqların asudə vaxtlarının səmərəli təşkili, onların istedad və bacarıqlarının üzə çıxarılması, yaradıcılıq qabiliyyətlərinin genişləndirilməsi üçün zəruri şərait yaradıldığını qeyd edib.

Vurğulanıb ki, Naxçıvan Muxtar Respublikası Ali Məclisi Sədrinin tapşırığı ilə cari tədris ilində Heydər Əliyev Uşaq-Gənclər Yaradıcılıq Mərkəzində 12 adda innovativ dərnək yaradılıb, hazırda isə Şərur rayonunun məktəbdənkənar tərbiyə müəssisələrində 15, Şərur Şəhər Fizika-Riyaziyyat Təmayüllü Liseydə isə 2 adda innovativ dərnəklərin yaradılması davam etdirilir.

Qeyd olunub ki, belə silsilə tədbirlərin davamı olaraq Naxçıvan Muxtar Respublikası Ali Məclisi Sədrinin tapşırığına əsasən nəfis şəkildə tərtib olunmuş, yüksək poliqrafik keyfiyyəti ilə seçilən albom-kataloqun giriş hissəsində Heydər Əliyev Uşaq-Gənclər Yaradıcılıq Mərkəzində 2019-cu il oktyabrın 26-da innovativ dərnəklərin fəaliyyətə başlaması ilə bağlı məlumat və fotolar, istedadlı şagirdlərin fotoları, onlar haqqında ümumi məlumat və əl işləri öz əksini tapıb. Albom-kataloqda, ümumilikdə, 67 şagirdin müxtəlif yaradıcılıq nümunələri yer almışdır.

Heydər Əliyev Uşaq-Gənclər Yaradıcılıq Mərkəzinin direktoru Murad Babayev çıxış edərək, mərkəzdə tədris ili ərzində dərnək üzvlərinin fəal iştirakı ilə keçirilən tədbirlər haqqında ətraflı məlumat verib.

Dərnək üzvlərindən Əzizə Hacıyeva və Kamal Qafarov yaradılan şəraitə görə dövlətimizə minnətdarlıq ediblər.

Sonda kataloqda əl işləri sərgilənən şagirdlərə albom-kataloqlar təqdim edilib və həmin əl işlərindən ibarət sərgiyə baxış olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.