SİYASƏT


Nazir: Regionda davamlı sülh, əmin-amanlıq və inkişaf üçün normal qonşuluq münasibətlərindən başqa bir seçim yoxdur

Bakı, 7 iyul, AZƏRTAC

Otuz il ərzində Ermənistanla müharibə şəraitində yaşamışıq və bu dövrdə heç bir danışıqlar müsbət nəticə verməyib. Bölgədəki hər kəs başa düşməlidir ki, regionda davamlı sülh, əmin-amanlıq və inkişaf üçün normal qonşuluq münasibətlərindən başqa bir seçim yoxdur. Hesab edirəm ki, Ermənistan siyasi rəhbərliyi bu reallıqları başa düşəcək.

AZƏRTAC xəbər verir ki, bu fikirləri jurnalistlərə müsahibəsində Azərbaycan Respublikasının xarici işlər naziri Ceyhun Bayramov söyləyib.

“Münasibətlərin irəli aparılması üçün beynəlxalq hüququn norma və prinsiplərinə riayət olunmalıdır. Azərbaycan hər zaman buna çalışır. Bu, bölgə ölkələri tərəfindən qəbul edilməlidir. Müasir dünyada gedən proseslər çərçivəsində ölkələr və beynəlxalq təşkilatlar da beynəlxalq hüquqdan kənar davranışların nə qədər böyük fəsadlara gətirib çıxaracağını daha aydın başa düşürlər”, - deyə nazir qeyd edib.

Sərhədlərin delimitasiyasının uzun vaxt tələb edən bir proses olduğunu bildirən C.Bayramov deyib: “Ermənistan-Azərbaycan münasibətlərinin keçmişini nəzərə alaraq, başa düşürük ki, bu, sadə proses deyil, kifayət qədər həssas məqamlardır. Ancaq prosesin başlamasının özü müsbət addımdır”.

Nazir, həmçinin qeyd edib ki, delimitasiya komissiyasının həmsədrləri növbəti iclasın vaxtını hələ razılaşmayıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.