DÜNYA


Niderlandda koronavirusla bağlı məhdudiyyətlərə etirazlar davam edir

Strasburq, 27 yanvar, AZƏRTAC

Niderlandın bir neçə şəhərində COVID-19 pandemiyası ilə əlaqədar qəbul olunmuş məhdudiyyətlərə qarşı etiraz nümayişləri davam edir.

AZƏRTAC Niderland mətbuatına istinadla xəbər verir ki, Amsterdam, Eyndhoven, Rotterdam və digər şəhərlərdə mağazaların vitrinləri sındırılıb. Polis tərəfindən 250 nümayişçi saxlanılıb.

Sosial şəbəkələrdə mağazaların qarət edilməsini, avtomobillərin, eləcə də COVID-19-un test mərkəzlərinin yandırılmasını əks etdirən videolar yayılıb.

Niderlandın Baş naziri Mark Rutte nümayişlər zamanı baş vermiş cinayət xarakterli zorakılıqları pisləyib.

Qeyd edək ki, koronavirusun ingilis ştammının ölkədə yayılmasının qarşısını almaq məqsədilə hökumət tərəfindən tətbiq edilən komendant saatı (axşam 21:00-dən səhər 04:30-dək) etiraz nümayişlərinə səbəb olub.

Niderlandda COVID-19 pandemiyası başlayandan bəri bu xəstəlikdən 13 min 600 ölüm faktı qeydə alınıb.

Şəhla Ağalarova

AZƏRTAC-ın xüsusi müxbiri

Strasburq

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.