REGİONLAR


Niderlandlı ekspert Azərbaycan Dövlət Aqrar Universitetinin tələbələrinə seminar keçib

Bakı, 9 oktyabr, AZƏRTAC

Kənd Təsərrüfatı Nazirliyinin dəvəti ilə niderlandlı ekspert Hilde van der Wal Azərbaycan Dövlət Aqrar Universitetinin (ADAU) tələbələrinə “Fermer təsərrüfatı və tədqiqat metodları” mövzusunda seminar keçib. Seminarda ADAU-nun ingilis dilli qruplarından “Aqrar iqtisadiyyat”, “Torpaqşünaslıq və aqrokimya”, “Aqronomluq”, “Baytarlıq təbabəti və zoomühəndislik”, “Aqromühəndislik” ixtisasları üzrə təhsil alan tələbələr iştirak ediblər.

Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildiriblər ki, ekspert Hilde van der Wal tələbələrə Niderlandda heyvanların yetişdirilməsinin yeni texnologiyaları, heyvandarlığın ətraf mühitə təsiri, aqrar sahədə qanunvericilik bazası barədə məlumat verib. Eyni zamanda, xarici ekspert torpaqların konsolidasiya qaydaları və onların tənzimlənməsi, kənd təsərrüfatında suya və ətraf mühitə qənaət məqsədilə innovativ texnologiyaların tətbiqi məsələsinə toxunub. Mütəxəssis yeni tədqiqat metodları ilə bağlı təqdimat edib, Afrika ölkələrində apardığı tədqiqatları tələbələrin diqqətinə çatdırıb.

Sonda mövzu ətrafında müzakirələr aparılıb və tələbələrin sualları cavablandırılıb.

Seminarda ADAU-nun Tədris işləri üzrə prorektoru Anar Hətəmov, Kənd Təsərrüfatı Nazirliyinin Təhsil və təlim şöbəsinin müdir müavini Nəzrin Bağırova da iştirak ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.