Dağlıq Qarabağa sülh və ədalət!

Gəncə, 16 oktyabr, Məhərrəm Əlioğlu, AZƏRTAC

Nizami Gəncəvi Beynəlxalq Mərkəzinin həmsədrləri və üzvləri “Dağlıq Qarabağa sülh və ədalət” adlı bəyanat yayıblar.

AZƏRTAC bəyanatın mətnini təqdim edir:

“Biz Azərbaycan Respublikasının beynəlxalq ictimaiyyət və Birləşmiş Millətlər Təşkilatı tərəfindən tanınmış sərhədləri çərçivəsində ərazi bütövlüyünü və suverenliyini tam dəstəkləyirik.

Azərbaycan güclü beynəlxalq qanuni dəstək alıb: BMT Təhlükəsizlik Şurası Ermənistan qoşunlarının işğal olunmuş ərazilərdən qeyd-şərtsiz çıxarılmasını tələb edən dörd qətnamə qəbul edib. Beynəlxalq ictimaiyyət ərazinin müharibə yolu ilə ələ keçirilməsini tanımadığını bir daha təsdiqləyib. Qanunsuz yolla gücün tətbiqi heç bir şəkildə əsaslandırıla bilməz. Biz Ermənistan və Azərbaycan sərhədi boyunca Azərbaycan vətəndaşlarının və mülki obyektlərinin hədəfə alınmasını qətiyyətlə pisləyirik. Qanunsuz fəaliyyətlər, eləcə də Azərbaycanın işğal edilmiş ərazilərində qanunsuz məskunlaşdırılma dayandırılmalıdır.

Bu gün təxribatlara, atəşkəs sazişinin pozulmasına baxmayaraq, Azərbaycan yenə də təmkin göstərərək, müvafiq qanuni kanallar vasitəsilə vəziyyəti düzəltməyə çalışır. Münaqişə qan tökülməsi və resurs itkisi bahasına başa gəlir.

İndi bütün mümkün diplomatik kanalları fəallaşdırmağın vaxtıdır. BMT və Avropa İttifaqı dərhal atəşkəsə çağırmalı və beynəlxalq səviyyədə mümkün olan hər bir vasitədən istifadə etməklə növbəti hərbi fəaliyyətin qarşısını almalıdır. Lakin uzunmüddətli münaqişənin nəhayət həlli üçün axtarış istiqamətində irəliləyiş zəruridir. Nizami Gəncəvi Beynəlxalq Mərkəzinin əsas prinsiplərindən biri sülhməramlı yollarla sülh üçün çalışmaqdır. Beləliklə, biz beynəlxalq ictimaiyyəti əvvəlki qətnamələrin, xüsusilə BMT Təhlükəsizlik Şurasının qətnamələrinin icra olunmasını, beynəlxalq hüquq çərçivəsində Azərbaycanın ərazi bütövlüyünün bərpasını, tələb olunduğu kimi, Azərbaycanın işğal edilmiş ərazilərindən Ermənistan hərbi qüvvələrinin çıxarılmasını təmin etməyə və Ermənistan-Azərbaycan münaqişəsinin davamlı həllinə nail olmağa çağırırıq.

ATƏT-in Minsk qrupunun həmsədrlərinin - Rusiya, Fransa və ABŞ-ın vasitəçilik etdikləri danışıqlar prosesi münaqişənin həll olunması üçün heç bir real nəticə verməyib. Helsinki Yekun Aktı və BMT Təhlükəsizlik Şurasının qətnamələrindən irəli gələrək mandat əldə edən həmsədrlər davamlı sülhə nail olmaq istiqamətində məqsədyönlü danışıqlar aparılmasını təmin etmək üçün öz səylərini ikiqat artırmalıdırlar.

Bütün bəşəriyyətin ümumi düşmən olan COVID-19 ilə mübarizə apardığı belə bir zamanda insanlıq üçün məntiqə uyğun deyil ki, bütün enerjimizi və resurslarımızı bir-birimizi öldürmək və məhv etmək üçün istifadə edək. Gəlin məntiqlə və qanunun aliliyi prinsipini əsas tutaraq Dağlıq Qarabağ münaqişəsini sülh yolu ilə həll edək.

Həqiqi sülh daha vacibdir və o, yalnız ədalət və inklüzivlik üzərində qurula bilər. Bu, Avropa İttıfaqının vəzifələrinə uyğundur və BMT-nin 75-ci ildönümündə müvafiq canlanma yaradacaqdır. Beləliklə, gəlin biz beynəlxalq ictimaiyyətlə bərabər çalışaraq keçmişin ədalətsiz miraslarını geridə qoyub qlobal çağırışlar üzərində duraraq daha yaxşı sabahlar üçün təməl qoyaq.

Vayra Vike-Freyberqa

Nizami Gəncəvi Beynəlxalq Mərkəzinin həmsədri,

1999-2007-ci illərdə Latviya Respublikasının Prezidenti

İsmail Serageldin

Nizami Gəncəvi Beynəlxalq Mərkəzinin həmsədri,

1992-2000-ci illərdə Dünya Bankının vitse-prezidenti

Şahzadə Türki bin Feysəl bin Əbdüləziz Al Saud

Kral Feysəl Fondunun Tədqiqatlar və İslam Araşdırmaları Mərkəzinin sədri

Əbdüləziz əl-Tuveycri

ICESCO-nun sabiq Baş direktoru

Şövkət Əziz

2004-2007-ci illərdə Pakistanın Baş Naziri

Rəşid Alimov

2016-2019-cu illərdə Şanxay Əməkdaşlıq Təşkilatının Baş katibi

Rozalia Artega Serrano

Ekvadorun sabiq Prezidenti

Sali Berişa

1992-1997-ci illərdə Albaniyanın Prezidenti

2005-2013-cü illərdə Albaniyanın Baş Naziri

Hikmət Çətin

1991-1994-cü illərdə Türkiyənin Xarici İşlər naziri

Emil Konstantinesku

1996-2000-ci illərdə Rumıniyanın Prezidenti

Mirko Svetkoviç

2008-2012-ci illərdə Serbiyanın Baş Naziri

Franko Frattini

2002-2004, 2008-2011-ci illərdə İtaliyanın Xarici İşlər naziri

2004-2008-ci illərdə ədalət, azadlıq və təhlükəsizlik məsələləri üzrə Avropa komissarı

Amina Qurib-Fakim

2015-2018-ci illər Mavritaniyanın Prezidenti

Jan Fişer

2009-2010-cu illərdə Çex Respublikasının Baş Naziri

Ekmələddin İhsanoğlu

2004-2014-cü illərdə İslam Əməkdaşlıq Təşkilatının Baş katibi

Mladen İvaniç

2014-2018-ci illərdə Bosniya və Herseqovinanın Rəyasət Heyətinin üzvü

Dalia İtzik

İsrailin sabiq Prezidenti və parlamentin sabiq sədri

Georgi İvanov

2009-2019-cu illərdə Şimali Makedoniya Respublikasının Prezidenti

İvo Yosipoviç

2010-2015-ci illərdə Xorvatiyanın Prezidenti

Yadranka Kosor

2009-2011-ci illərdə Xorvatiyanın Baş Naziri

Aleksandr Kvasnievski

1995-2005-ci illərdə Polşanın Prezidenti

İv Leterme

2008, 2009-2011-ci illərdə Belçikanın Baş Naziri

Zlatko Laqumciya

2001-2002-ci illərdə Bosniya və Herseqovinanın Baş Naziri,

2012-2015-ci illərdə Bosniya və Herseqovinanın Baş Nazirinin müavini, Xarici İşlər naziri

Petru Luçinski

1997-2001-ci illərdə Moldovanın Prezidenti

Əmr Musa

2001-2011-ci illərdə Ərəb Dövlətləri Liqasının Baş katibi,

1991-2001-ci illərdə Misirin Xarici İşlər naziri

Elnur Əliyev

Nizami Gəncəvi Beynəlxalq Mərkəzinin icraçı direktoru

Rövşən Muradov

Nizami Gəncəvi Beynəlxalq Mərkəzinin baş katibi

Recep Meidani

1997-2002-ci illərdə Albaniyanın Prezidenti

Buyar Nişani

2012-2017-ci illərdə Albaniyanın Prezidenti

Jomart Otorbayev

2014-2015-ci illərdə Qırğızıstanın Baş Naziri

Elza Papademetru

Yunanıstan parlamentinin sabiq vitse-prezidenti

Rosen Plevneliyev

2012-2017-ci illərdə Bolqarıstanın Prezidenti

Oskar Ribas Reyq

1982-1984, 1990-1994-cü illərdə Andorranın Baş Naziri

Petar Stoyanov

1997-2002-ci illərdə Bolqarıstanın Prezidenti

Boris Tadiç

2004-2012-ci illərdə Serbiyanın Prezidenti

Eka Tkelaşvili

2010-2012-ci illərdə Gürcüstanın Baş Nazirinin müavini

Filip Vuyanoviç

2003-2018-ci illərdə Monteneqronun Prezidenti

Viktor Yuşenko

2005-2010-cu illərdə Ukraynanın Prezidenti

Katerina Yuşenko

2005-2010-cu illərdə Ukraynanın birinci xanımı

Valdis Zatlers

2007-2011-ci illərdə Latviyanın Prezidenti”.