MƏDƏNİYYƏT


Nizami Gəncəvi və Yunus Əmrəyə həsr edilən səhnə əsəri nümayiş olunub

Bakı, 7 may, AZƏRTAC

Mayın 7-də Beynəlxalq Muğam Mərkəzində Bakıdakı Yunus Əmrə İnstitutunun təqdimatında “Nizamidən Yunusa: Birlik ilə baxmaq” adlı səhnə əsəri nümayiş edilib.

AZƏRTAC xəbər verir ki, Beynəlxalq Muğam Mərkəzinin dəstəyi ilə nümayiş edilən səhnə əsəri bu ilin ölkəmizdə “Nizami Gəncəvi İli” və qardaş ölkədə “Bizim Yunus İli” elan edilməsi münasibətilə hazırlanıb.

İki hissədən ibarət tamaşanın birinci pərdəsi Yunus Əmrəyə, ikinci pərdə isə Nizamiyə ithaf edilib.

Səhnə əsərində rolları Rufiz Quluzadə, Nuranə Tağıyeva, Canəli Canəliyev, Aida Bəşirova, Almaz Həsənzadə, Sənan Muxtarov və Ədilə Əliyeva ifa edib.

Layihənin rəhbəri, tamaşanın ssenari müəllifi, Azərbaycanda və Türkiyədə tanınan rəssam Günay Zebicdir (Mehdizadə), quruluşçu rejissoru Hicran Sadıqzadə, musiqi və səs rejissoru Ülviyyə Vəlizadə, səhnə tərtibatçısı Elman Əliyevdir.

Qeyd edək ki, bu il Nizami Gəncəvinin 880 illiyi münasibətilə ölkəmizdə, Yunus Əmrənin vəfatının 700 illiyi münasibətilə isə qardaş ölkədə silsilə tədbirlər təşkil keçirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.