İDMAN


“Olimpiakos” klubu fanatların törətdiyi iğtişaşa görə cəzalandırıldı

Bakı, 13 fevral, AZƏRTAC 

Yunanıstan superliqasının İntizam komitəsi AEK klubu ilə öz meydançasında keçirdiyi matçın (1:2) yekunlarına görə “Olimpiakos”u cəzalandırıb.

AZƏRTAC xəbər verir ki, Pirey şəhərinin futbol klubu fanatların oyunun sonunda kütləvi şəkildə meydançaya qaçaraq pirotexnika atması və reklam lövhələrini dağıtması ilə müşahidə olunan iğtişaşlar səbəbindən 3 xaldan məhrum edilib və iki matçı boş tribunalar önündə keçirəcək.

Yüzlərlə azarkeş polis əməkdaşları ilə qarşıdurmaya gedib və rəqib komandanın oyunçularının avtobusuna hücum edib.

Bundan başqa, bu insidentə görə “Olimpiakos” 90 min avro cərimə edilib. Klubun İntizam komitəsinin qərarından apellyasiya şikayəti verəcəyi ehtimal olunur. Yunanıstan çempionatında 21 turdan sonra turnir cədvəlində 3-cü yeri tutan “Olimpiakos” lider PAOK-dan 9 xal geridə qalır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.