SİYASƏT


Özbəkistanın ziyouz.uz portalı Alxanlıda törədilmiş faciə ilə əlaqədar məqalə verib

Daşkənd, 6 iyul AZƏRTAC

Daşkənddəki ziyouz.uz portalı Ermənistan silahlı qüvvələri tərəfindən Füzuli rayonunun Alxanlı kəndində törədilmiş qanlı faciə ilə əlaqədar özbək dilində məqalə yer alıb.

Materialda bildirilir ki, erməni silahlılarının iyulun 4-də axşam saatlarında Alxanlı kəndinə hücumu, 1966-ci ildə doğulmuş Sahibə Quliyeva adlı nənə və iki yaşlı nəvə Zəhra Quliyevanın qətlə yetirilməsi, Sərvinaz Quliyevanın isə ağır yaralanması beynəlxalq hüququn norma və prinsiplərinin pozulmasıdır. Dinc əhalinin o cümlədən iki yaşlı uşağın qətlə yetirilməsi heç bir etik qaydalara sığmır.

Materialda Ermənistan-Azərbaycan, Dağlıq Qarabağ münaqişəsinin tarixi haqqında da məlumat verilir, deyilir ki, 1989-1993-cü illərdə Ermənistan silahlı qüvvələri Dağlıq Qarabağ və ona bitişik 7 rayonu işğal edib. 1994-cü ildə atəşkəs elan edilsə də ermənilər daim Azərbaycanın mövqelərini atəşə tutur, əsgərlər və dinc əhali həlak olur.

Bildirilir ki, BMT Təhlükəsizlik Şurası işğalçı qoşunların Azərbaycan ərazilərindən qeyd-şərtsiz çıxarılması ilə əlaqədar 4 qətnamə qəbul etsə də Ermənistan hələ də buna məhəl qoymur.

 

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.