CƏMİYYƏT


Özəl klinikalarda "Pfizer" peyvəndi etdirənlərdən tibbi müayinə üçün alınan ödəniş ləğv olunub

Bakı, 11 iyun, AZƏRTAC

“Leyla Medical Center”də koronavirusa qarşı "Pfizer" peyvəndi vurduran şəxslərdən tibbi müayinə üçün ödəniş artıq tələb olunmayacaq.

“Leyla Medical Center” özəl tibb müəssisəsindən AZƏRTAC-a verilən məlumata görə, əvvəlki qaydalara əsasən, vətəndaşlar vaksinasiyadan öncəki tibbi müayinə üçün 30 AZN ödəniş edirdilər.

Bu gün klinikaya “Pfizer” vaksini vurdurmaq üçün təxminən 120 nəfər müraciət edib.

Qeyd edək ki,"Pfizer” vaksininin istifadəsi Bakı Sağlamlıq Mərkəzi, Zərifə Əliyeva 5 ünvanında yerləşən Mərkəzi Klinik Xəstəxanasının ambulatoriyası, “Leyla Medical Center”, “Caspian İnternational Hospital” və M.Ə.Əfəndiyev adına 2 saylı Şəhər Klinik Xəstəxanasında aparılır. Özəl klinikalarda peyvəndlənmə prosesi müəssisənin daxili qaydalara uyğun olaraq aparılır.

Xatırladaq ki, Azərbaycanda "Pfizer"in istifadəsinə iyunun 7-də başlanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.