ELM VƏ TƏHSİL


Peşə təhsil mərkəzi təhsilalanların ixtisaslı kadrlara çevrilməsinə dəstək verir

Bakı, 2 dekabr, AZƏRTAC 

Sənaye və İnnovasiyalar üzrə Bakı Dövlət Peşə Təhsil Mərkəzi ilə “İnteqral QSC” şirkəti arasında anlaşma memorandumu imzalanıb.

Mərkəzdən AZƏRTAC-a bildirilib ki, əməkdaşlığın əsas məqsədi təhsilalanların ixtisaslı kadrlara çevrilməsinə dəstək verməkdən ibarətdir.

Ölkədə müasir tələblərə cavab verən yeni nəsil işçi qüvvəsinin hazırlanması istiqamətində birgə fəaliyyət göstərəcək hər iki təşkilat kifayət qədər geniş elmi texniki laboratoriyalara və istehsalat bazasına, təcrübəli ixtisaslı kadrlara malikdir.

Əməkdaşlıq çərçivəsində elektronika istiqaməti üzrə təhsilalanların istehsalat təcrübə proqramlarında iştirak edəcək, onlara sahibkarlıq vərdişləri aşılanacaq, müvafiq bilik və bacarıqları qiymətləndiriləcək. Təcrübə proqramlarındakı iştirakı müsbət dəyərləndirilən təhsilalanlar işlə təmin olunacaq.

Memoranduma əsasən müəyyən edilən müvafiq sahələr üzrə ixtisaslı peşəkar kadrların yetişdirilməsi məqsədilə birgə tədris proqramlarının hazırlanması, təlimlərin təşkil olunması da nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.