CƏMİYYƏT
QHT Şurası və Real TV "Qaydalara əməl et, cəmiyyəti qoru" adlı yeni kampaniyaya başlayır
Bakı, 1 iyul, AZƏRTAC
Azərbaycan Respublikasının Prezidenti İlham Əliyevin pandemiya ilə mübarizədə cəmiyyətin tam səfərbər olunması, vətəndaşların sosial məsuliyyətinin artırılması və ictimai nəzarətin gücləndirilməsi ilə bağlı verdiyi tapşırıqları, etdiyi təklif və tövsiyələri əsas götürərək, Prezident yanında Qeyri-Hökumət Təşkilatlarına Dövlət Dəstəyi Şurası bir sıra vacib qərarlar qəbul edib. Bu barədə AZƏRTAC-a Şuradan məlumat verilib.
Şuranın cari il iyun ayının 25-dək QHT-lərlə elektron qaydada imzaladığı SƏLİS qrant müqaviləsi üzrə 290 QHT-nin layihə mövzuları qarşılıqlı razılıq əsasında dəyişdirilib və bu layihələr COVID-19 ilə mübarizə tədbirlərinə, o cümlədən pandemiyanın yaratdığı problemlərin və çağırışların aradan qaldırılması məsələlərinə yönləndirilib.
Bundan başqa, pandemiyaya qarşı mübarizənin səmərəliliyini artırmaq və vətəndaşların karantin rejimi qaydalarına tam əməl etmələrinə dəstək vermək üçün Şura və Real TV cari ilin mart və may aylarında həyata keçirdiyi “Evdə qal, cəmiyyəti qoru” ictimai nəzarət və maarifləndirmə kampaniyasının davamı olaraq 1 iyul 2020-ci ildən etibarən "Qaydalara əməl et, cəmiyyəti qoru" adlı yeni ictimai monitorinq və məlumatlandırma kampaniyasına başlamaq haqqında qərar qəbul edilib. “Qaydalara əməl et, cəmiyyəti qoru” adlı ictimai monitorinq və məlumatlandırma kampaniyası üç istiqaməti əhatə edəcək: İctimai məlumatlandırma; İctimai nəzarət; İctimai qınaq. İctimai kampaniya, ilk növbədə, Operativ Qərargahın ciddi karantin rejimi tətbiq etdiyi Bakı, Gəncə, Sumqayıt, Lənkəran, Yevlax, Cəlilabad, Masallı şəhərlərində və Abşeron rayonunda həyata keçiriləcək. İctimai monitorinq və məlumatlandırma kampaniyası çərçivəsində ictimai yerlərdə, xüsusilə ictimai nəqliyyatda (metro və avtobuslarda), marketlərdə, apteklərdə, o cümlədən yas mərasimlərində epidemiya əleyhinə rejimin, sanitariya-gigiyena və karantin rejimlərinin tələblərinə, fərdi qoruyucu vasitələrdən istifadə qaydalarına vətəndaşların, həmçinin fiziki və hüquqi şəxslərin əməletmə vəziyyəti yoxlanılacaq. İctimai monitorinqin səmərəliliyini artırmaq və karantin rejimi qaydalarının pozulması haqqında məlumatlara operativ şəkildə əldə etmək və müvafiq tədbir görmək məqsədilə aşağıda adları qeyd olunan QHT-lərin nəzdində “Qaynar xətt” xidməti yaradılır.
SN |
Adı və soyadı |
Təmsil olunduğu təşkilat |
WhatsApp nömrəsi |
Facebook səhifəsi |
Mobil nömrə |
|
Bakı şəhəri üzrə |
|
|||
Şahin Rəcəbov |
"Azərbaycan Valideyn-Müəllim Assosiasiyası" ictimai birliyi |
(70) 525-03-00 |
Shahin Receb |
(70) 525-03-00 |
|
Cəsarət Hüseynzadə |
"İnformasiya Təşəbbüslərinə Dəstək" ictimai birliyi |
(55) 325-18-38 |
Cesaret Huseynzade |
(55) 325-18-38 |
|
Samir Adıgözəlov |
İctimai-Siyasi Proseslər və Beynəlxalq Əlaqələr Elmi-Araşdırmalar Mərkəzi |
(50) 300-07-01 |
Samir Adigozelli |
(50) 300-07-01 |
|
Gülayə Səfərova |
“Ailə Dünyası” ailələrə hüquqi yardım ictimai birliyi |
(50) 353-36-68 |
Gulay Guliyeva |
(55) 481-49-66 |
|
İradə Rizazadə |
"Vətəndaşların Sosial Rifahı Naminə" ictimai birliyi |
(50) 323-55-23 |
Irade Riza-zade |
(50) 323-55-23 |
|
Səbuhi Abbasov |
"Azərbaycan-Slavyan Gəncləri Assosiasiyası" ictimai birliyi |
(50) 300-80-31 |
Sabuhi Mubarizoglu Abbasov |
(50) 300-80-31 |
|
|
Gəncə şəhəri üzrə |
||||
Südabə Məmmədova |
Təmas Regional İnkişaf İctimai Birliyi |
(50) 753 2801 |
Sudaba Mamedova |
(50) 753 28 01 (55) 221 15 70 |
|
Hüseynxan Hacızadə |
Gələcəyə körpü Gənclər İctimai Birliyi |
(55) 296 66 08 |
Huseyhkhan Hajızada |
055 296 66 08 |
|
|
Sumqayıt şəhəri üzrə |
||||
İndira Şəmsivari |
"Tərəqqi" sosial-iqtisadi araşdırmalar ictimai birliyi |
(70) 224-40-13 |
Indira Shamsivari |
(70) 224-40-13 |
|
10. |
Sаhib Fərzəliyеv |
“Pоtеnsiаl” Sumqаyıt mütəхəssislər birliyi |
(50) 330-70-27 |
Sahib Ferzeliyev |
(50) 330-70-27 |
|
Lənkəran şəhəri üzrə |
||||
11. |
Vamiq Babayev |
"Şəfəq" Ekoturizm ictimai birliyi |
(55) 719 20 68 |
Vamiq Babyev |
(55) 719 20 68 |
|
Yevlax rayonu üzrə |
||||
12. |
Zülfiyyə Məmmədova |
Mingəçevir Regional RQTM-nin Yevlax şəhər şöbəsinin nümayəndəsi |
(55 ) 813 43 63 |
Zulya Eli |
(55) 813 43 63 |
|
Cəlilabad rayonu üzrə |
||||
13. |
Təyyar Zülfüqarov |
Azərbaycan Sahibkarlar Konfederasiyasının Cəlilabad rayon şöbəsi |
(55) 662 02 03 |
Tayyar Zulfuqarov |
(50) 645 60 99 |
|
Masallı rayonu üzrə |
||||
14. |
Raci Səfərov |
"Tərəqqi" Gəncliyin İnkişafı ictimai birliyi |
(77) 614 89 08 |
Raaci Seferov |
(77) 614 89 08 |
|
Abşeron rayonu üzrə |
||||
15. |
Niyaməddin Orduxanov |
"Bələdiyyələrin İnkişafına Yardım" ictimai birliyi |
(50) 443 21 21 |
Niyameddin Orduxanlı |
(51) 655-88-88 |
16. |
Fatma Hacıyeva |
"Vəfa" sosial problemlərin həllinə dəstək ictimai birliyi |
(70) 250-48-44 |
Fatimə Hacıbəyli |
(55) 264-90-81 |
Məsuliyyətli vətəndaşlardan xahiş olunur ki, epidemiya əleyhinə rejimin, sanitariya-gigiyena və karantin rejimlərinin tələblərini pozan şəxslər haqqında ərazi üzrə qeyd olunan QHT-lərə dərhal məlumat versinlər.
Bununla yanaşı, vətəndaşları bu cür halları özündə əks etdirən video və foto görüntüləri çəkib Şuranın qhtxeber.az saytının baş redaktoru Sənan Nəcəfovun “WhatsApp” nömrəsinə - 050 388 12 89 göndərməyə çağırırıq. Daxil olunan məlumatlar əsasında Real TV-nin əməkdaşları və QHT-lər həmin ərazidə olacaq və yol verilən qanun pozuntusunu qeydə alacaqlar.
Kampaniya çərçivəsində QHT-lər Real TV ilə birlikdə vətəndaşlara Nazirlər Kabineti yanında Operativ Qərargahın qərar və tövsiyələrini çatdıracaq, onlara xüsusi karantin rejiminin tələblərinə ciddi əməl olunmasının vacibliyini izah edəcək, eyni zamanda, vətəndaşların fikir və təkliflərini öyrənəcəklər. Monitorinqin nəticələri Real TV, media və sosial şəbəkələr vasitəsilə ictimaiyyətə, həmçinin Operativ Qərargaha təqdim olunacaq.
Bütün QHT-ləri və vətəndaşları dövlətimiz və xalqımız üçün son dərəcə vacib və həyati əhəmiyyət daşıyan ictimai kampaniyada fəal iştirak etməyə, koronavirus pandemiyasına qalib gəlmək üçün üzərimizə düşən vəzifəni layiqincə yerinə yetirməyə və bu bəlaya qarşı aparılan ümummilli mübarizəyə töhfə verməyə çağırırıq.