REGİONLAR


Qax bələdiyyəsinin kuboku uğrunda futbol birinciliyində 12 komanda mübarizə aparıb

Qax, 31 oktyabr, Mustafa Dadaşov, AZƏRTAC

Qax şəhər stadionunda bələdiyyə kuboku uğrunda futbol üzrə rayon birinciliyinə yekun vurulub. Rayon Gənclər və İdman İdarəsinin və Qax bələdiyyə şurasının birgə təşkilatçılığı ilə oktyabrın əvvəlində startı verilən və Azərbaycan Xalq Cümhuriyyətinin yaranmasının 100 illiyinə həsr olunan birincilikdə 12 komanda mübarizə aparıb.

AZƏRTAC-ın bölgə müxbiri xəbər verir ki, birinciliyin final oyununda Qax şəhər bələdiyyəsinin və Peşə liseyinin komandaları qarşılaşıblar. Rəqiblərini 3:0 hesabı ilə məğlub edən şəhər bələdiyyəsinin komandası birinciliyin qalibi adını qazanıb. Turaclı kənd bələdiyyəsinin komandası birinciliyi üçüncü pillədə başa vurub.

Birinciliyin qalibləri kubok, diplom və medallarla mükafatlandırılıblar.

Rayon Gənclər və İdman İdarəsindən bildiriblər ki, ənənəvi olaraq hər il keçirilən bu yarışlar rayonda futbolun kütləviliyini daha da artırmaq, gənclərin asudə vaxtlarını mənalı və səmərəli təşkil etmək, perspektivli gənc futbolçular aşkara çıxararaq rayonun futbol üzrə yığma komandasını komplektləşdirmək məqsədi daşıyır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.