DÜNYA


Qazaxıstan 54 ölkə üçün vizasız rejimin dayandırılmasını bu ilin sonuna qədər uzadıb

Nur-Sultan, 5 may, AZƏRTAC

Qazaxıstan hökuməti 54 dövlətin vətəndaşları üçün vizasız rejimin fəaliyyətinin dayandırılması müddətini 2022-ci ilin yanvar ayına qədər uzadıb.

AZƏRTAC xəbər verir ki, bu barədə Qazaxıstan Xarici İşlər Nazirliyi məlumat yayıb.

Ölkədə koronavirus infeksiyasının yayılmasına qarşı aparılan mübarizə çərçivəsində Qazaxıstan hökuməti dünyanın 54 dövlətinin, Türkiyə, BƏƏ və Cənubi Koreya istisna olunmaqla vətəndaşları üçün birtərəfli vizasız rejimin dayandırılması müddətinin cari il dekabrın 31-nə qədər uzadılmasına dair qərar qəbul edib.

“Bu üç ölkənin vətəndaşları ikitərəfli sazişlər əsasında Qazaxıstana gələ bilərlər”, - deyə XİN-in məlumatında bildirilir.

Xatırladaq ki, 57 dövlətin vətəndaşı üçün ölkəyə vizasız daxil olmaq imkanı bu il mayın 1-dək dayandırılmışdı.

İlahə Əhmədova

AZƏRTAC-ın xüsusi müxbiri

Nur-Sultan

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.