RESPUBLİKANIN REGİONLARINDA ÜZÜM PLANTASİYALARI SALINACAQ

AZƏRTAC xəbər verir ki, Kənd Təsərrüfatı Nazirliyinin üzümçülük, meyvə-tərəvəzçilik və çayçılıq sahələrinin əlaqələndirilməsi sektoru yeni ildən başlayaraq üzümçülüyün və şərabçılığın inkişafı üçün bir sıra layihələr həyata keçirəcəkdir. Kənd Təsərrüfatı Akademiyası və Üzümçülük-Şərabçılıq İnstitutu Cəlilabadda yeni üzüm tinglərinin əkilməsi üçün yeni sortları artıq sınaqdan keçirmişlər. Respublikamızda Orta Asiyada məşhur olan üzüm sortlarının əkilməsi planlaşdırılır.

Fransanın “Kabarne” kimi məhsuldar üzüm sortundan istifadə edilməsi nəzərdə tutulmuşdur. Respublikanın bir sıra regionlarında – Samux, Xanlar, Şamaxı, İsmayıllı, Ağsu, Şəmkir, Ağstafa, Tovuz, Qazax rayonlarında da üzüm plantasiyaları salınacaqdır.