İDMAN


“Real Madrid” klubu ispaniyalı yarımmüdafiəçisi ilə yollarını ayırır

Bakı, 21 may, AZƏRTAC

“Real Madrid” klubunun yarımmüdafiəçisi İsko yay transfer pəncərəsində komandanı tərk edəcək.

AZƏRTAC xəbər verir ki, bunu klubun baş məşqçisi Karlo Ançelotti “Betis” ilə oyundan (0:0) sonra keçirilən mətbuat konfransında deyib. Altmış iki yaşlı mütəxəssis ispaniyalı yarımmüdafiəçinin “Real” ilə yollarını ayıracağını təsdiqləyib.

“İskonun “Real”dakı karyerası bu gün başa çatır. Çox böyük karyera idi. Təbii ki, daha çoxunu edə bilərdi. Lakin o, bizim üçün vacib oyunçu olub. Ona ən yaxşısını arzulayıram”.

Qeyd edək ki, İsko 2013-cü ildən “Real Madrid”ın formasını geyinir. Onun “kral klubu” ilə müqaviləsinin müddəti iyunun 30-da başa çatır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.