DÜNYA


Rəsmi Bağdad İraq Kürdüstan Regional Rəhbərliyinə xəbərdarlıq edib

Bakı, 25 sentyabr, AZƏRTAC

İraqın Neft Nazirliyi İraq Kürdüstan Regional Rəhbərliyinə (İKRR) Kərkükdəki neft yataqlarının işlənməsi ilə bağlı xəbərdarlıq edib.

AZƏRTAC nazirliyə istinadən xəbər verir ki, İraqın Neft Nazirliyi Kərkük şəhərindəki neft yataqlarının işlənməsi, dövlətə aid təşkilatları ələ keçirməyə cəhd göstərməsinə dair İKRR-ya xəbərdarlıq edib.

“İKRR-nın bölgə ilə yanaşı Kərkük və Diyala vilayətlərində referendum keçirəcəyini açıqlaması İraq hökumətinə bəzi problemlər yaradıb. Neft Nazirliyi mərkəzi Bağdad hökuməti ilə İKRR hökuməti arasındakı hər cür ixtilafa baxmayaraq xalqın bütün məzhəb və komponentlərinin ehtiyaclarını qarşılamaq üçün 2003-cü ildən bu yana milli sərvətlərin qorunması istiqamətində ən sərfəli yatırımları həyata keçirib. İKRR mərkəzi hökumət və Neft Nazirliyinə müraciət etmədən xarici şirkətlərlə müqavilələr bağlayıb və neft ixrac etməklə yanaşı mərkəzi hökumətlə etdiyi büdcə razılaşmalarına da sadiq qalmayıb”,- deyə nazirliyin açıqlamasında bildirilir.

Kərkükdəki 5 neft quyusundan ikisi İKRR-ya və üçü isə İraq hökumətinin Şimali Neft Şirkətinin idarəçiliyindədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.