DÜNYA


Rusiyada 82,2 min hektar meşə sahəsi yanır

Moskva, 19 avqust, AZƏRTAC

Rusiyada meşə yanğınlarının ümumi sahəsi bir gün ərzində 75,1 min hektardan 82,2 min hektara qədər artıb.

AZƏRTAC xəbər verir ki, bu barədə “Avialesooxrana” Federal Agentliyi məlumat yayıb.

Bildirilib ki, avqustun 19-a olan məlumata görə, Rusiya ərazisində 51 meşə yanğını qeydə alınıb, 21 sahədə yanğın söndürülüb.

Yakutiya, Ryazan vilayəti, Komi Respublikası, Nijni Novqorod vilayətində yanğınlar daha geniş sahəni əhatə edir. Yakutiyada 18 min, Maqadan vilayətində isə 10 min hektardan çox yanğın sahəsi əlçatmaz olduğundan, yanğınsöndürənlər alovun qarşısını ala bilmirlər.

Yanğınların söndürülməsinə 2586 yanğınsöndürən, 434 texnika, 22 helikopter və təyyarə cəlb edilib.

Fəridə Abdullayeva

AZƏRTAC-ın xüsusi müxbiri

Moskva 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.