DÜNYA


Rusiyanın İslam Əməkdaşlıq Təşkilatında müşahidəçi statusunun ildönümünə həsr olunmuş poçt markası buraxılacaq

Qahirə, 1 iyul, AZƏRTAC

İslam Əməkdaşlıq Təşkilatının (İƏT) Ciddə şəhərindəki mənzil-qərargahında Rusiyanın bu təşkilatda müşahidəçi statusunun 15-ci ildönümünə həsr olunmuş poçt markasının buraxılması barədə anlaşma Memorandumu imzalanıb.

AZƏRTAC xəbər verir ki, sənədi İƏT-in Baş katibi Yusif bin Əhməd Əl-Osaymin və Rusiya Federasiyasının təşkilatda daimi nümayəndəsi Ramazan Abdulatipov imzalayıblar.

İmzalanma mərasimində qeyd olunub ki, Rusiya Prezidenti Vladimir Putin 2003—cü ildə Malayziyada keçirilən İslam Dövlətlərinin Sammitində ölkəsinin İƏT-ə qoşulmaq arzusunu ifadə edib və 2005-ci ildə bu dövlətə müşahidəçi statusu verilib. Vurğulanıb ki, böyük müsəlman icmasının yaşadığı Rusiyada insanların din və vicdan azadlığı təmin edilib. Eyni zamanda, müsəlmanlar bu ölkənin tamhüquqlu vətəndaşları kimi ictimai-siyasi, mədəni həyatda fəal iştirak edirlər.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.