REGİONLAR


Şabranın iki kəndinin sakinləri ilk dəfə “mavi yanacaq”la təmin olunacq VİDEO

Şabran, 11 iyun, Elxan Yusifli, AZƏRTAC

SOCAR “Azəriqaz” İstehsalat Birliyi tərəfindən Şabran rayonunun daha iki kəndinin ilk dəfə “mavi yanacaq”la təmin olunması üçün işlərə başlanılıb.

AZƏRTAC-ın bölgə müxbiri xəbər verir ki, dağlıq ərazidə yerləşən Qorğan kəndinin qazlaşdırılması işlərinə may ayından start verilib. Kəndin qazla təmin olunması üçün 13 min 500 metrə yaxın müxtəlif diametrli polad və polietilen borulardan istifadə ediləcək. Ötən müddət ərzində işlərin 70 faizi görülüb. Kənddə hər bir abonent üçün sayğac və fərdi tənzimləyici quraşdırılacaq. İşlər yekunlaşdıqdan sonra yaşayış məntəqəsində 118 abonent ilk dəfə “mavi yanacaq”la təmin ediləcək.

Qorğanda işlər yekunlaşdıqdan sonra Sumağa qazmalar kəndində qaz xəttinin çəkilişinə başlanılacaq.

Azərbaycan Prezidentinin "Yaşayış məntəqələrinin qazlaşdırılması ilə bağlı tədbirlər haqqında" Sərəncamına uyğun olaraq 2018-ci ildə Qubanın Ərməki, Güney məhəllə, Qusarın Piral, Cibir, Xaçmazın Krasnıy Xutor, Məcidoba, Şabranın Sumağa qazmalar, Qorğan, Siyəzən rayonunun isə Qalaaltı və Qozağacı kəndlərində qazlaşdırma işləri yekunlaşacaq.

İlkin mərhələdə 10 kənddən altısında tikinti-quraşdırma prosesinə start verilib. Hazırda Qusarın Piral, Cibir, Xaçmazın Krasnıy Xutor, Qubanın Ərməki, Güney məhəllə, Şabranın Qorğan kəndlərində işlər davam edir. Bu kəndlərdə, ümumilikdə, 1535 abonent var.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.