CƏMİYYƏT


Sabunçu rayonunda qanunsuz fəaliyyət göstərən heyvan kəsimi məntəqələrində reydlər aparılıb

Bakı, 25 may, AZƏRTAC

Qida Təhlükəsizliyi Agentliyi ölkədə heyvan kəsiminin müasir tələblərə uyğunlaşdırılması, müasir kəsim məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.

Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, nəzarət tədbirləri çərçivəsində yerli icra orqanlarının əməkdaşları ilə birgə Bakının Sabunçu rayonunun Zabrat qəsəbəsində aparılan reydlər zamanı fiziki şəxslər Məhərrəmov Yaqub İbrahim oğluna, İsmayılov Şaiq Yusif oğluna, Məmmədli Azər Rəfail oğluna, Mehdiyev Samir Pəhriz oğluna, Məmmədov Fazil Nazim oğluna, Cabbarov İlqar Müzəffər oğluna, Novruzov Ehtiram Rəhman oğluna, Adilov Rahil Adil oğluna, Hüseynov Nizami Musa oğluna, Əsədov Suqəmid Adil oğluna və Quliyev Elsevər Qəşəm oğluna məxsus məntəqələrdə baytarlıq-sanitariya ekspertizası aparılmadan qanunsuz olaraq heyvan kəsiminin və ət satışının həyata keçirildiyi aşkar edilib.

Faktlarla əlaqədar məntəqə sahiblərinə ciddi xəbərdarlıq edilib, inzibati sanksiya tədbirləri görülüb, yol kənarlarında qanunsuz olaraq quraşdırılmış, qida təhlükəsizliyi tələblərinə uyğun olmayan bir sıra kəsim qurğuları yerli icra orqanlarının əməkdaşları tərəfindən sökülüb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.