REGİONLAR


Şamaxıda heyvandarlıq məhsullarının istehsalı artıb

Şamaxı, 7 aprel, AZƏRTAC

Şamaxı rayonunun heyvandarları cari ilin birinci rübünü yaxşı göstəricilərlə başa vurublar. İstər məhsul istehsalında, istərsə də iribuynuzlu mal-qaranın və davarların sayında artım olub.

Rayon Statistika İdarəsindən AZƏRTAC-ın bölgə müxbirinə bildirilib ki, 2020-ci ilin ilk üç ayında ötən ilin müvafiq dövrü ilə müqayisədə diri çəkidə ət istehsalı 53 ton artıb və 1139 ton olub. Süd istehsalı da 723 ton çoxalaraq 7503 tona çatıb. Habelə 4 milyon 485 min ədəd yumurta istehsal olunub ki, bu sahədə də artım 571 min ədəd təşkil edib.

Mal-qaranın və davarların baş sayında da artım var. Belə ki, iribuynuzlu heyvanlar 271 baş çoxalaraq 28 min 461 başa, qoyun-keçilər isə 12 min 229 baş artaraq 139 min 160 başa çatıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.