“Səbail” klubu argentinalı futbolçu ilə birillik müqavilə imzalayıb

Bakı, 30 iyun, AZƏRTAC

Bakının “Səbail” klubu heyətini yeni futbolçu ilə gücləndirib.

AZƏRTAC klubun rəsmi saytına istinadla xəbər verir ki, Bakı təmsilçisi argentinalı yarımmüdafiəçi Franko Mazureki transfer edib.

İyirmi doqquz yaşlı vingerlə birillik müqavilə imzalanıb.

Qeyd edək ki, son olaraq Kiprin “Etnikos” klubunda çıxış edən təcrübəli oyunçu ölkəsində “Boka Xuniors”, “Oll Boyz”, Bolqarıstanda “Levski” (Sofiya) komandalarının da formasını geyinib.