İQTİSADİYYAT


Sentyabrda OPEC 2009-cu ildən bəri ən aşağı istehsal səviyyəsinə düşüb

Bakı, 11 oktyabr, AZƏRTAC

Sentyabrda Neft İxrac Edən Ölkələr Təşkilatı (OPEC) üzrə xam neft hasilatı 890 min barrel azalaraq sutkada 28 milyon 830 min barrel olub. Beləliklə də, OPEC 2009-cu ildən indiyədək ən aşağı istehsal səviyyəsinə düşüb.

AZƏRTAC xəbər verir ki, bu barədə Beynəlxalq Enerji Agentliyinin (IEA) neft bazarına dair aylıq hesabatında deyilir.

Bildirilir ki, ötən ay kartel üzrə xam neftdən savayı digər şərti olmayan istehsal isə gündəlik 5 milyon 300 min barrel təşkil edib. Bununla da, sentyabrda OPEC üzrə ümumi istehsal 1,1 milyon barrel azalaraq sutkada 34 milyon 160 min barrel olub.

Hesabat ayında OPEC üzrə neft istehsalını ən çox azaldan Səudiyyə Ərəbistanı olub. Belə ki, kartelin ən böyük neft hasilatçısı Səudiyyə Ərəbistanında istehsal 770 min barrel geriləyərək gündəlik 9 milyon 20 min barrel olub. Buna səbəb “Abqaiq” və “Khurais” neft obyektlərinə təşkil edilən hücumlardır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.