İDMAN


Sərbəst güləş yığmamız Mahaçqalada təlim-məşq toplanışını davam etdirir VİDEO

Bakı, 13 mart, AZƏRTAC

Sərbəst güləş yığmamız Mahaçqalada təlim-məşq toplanışını davam etdirir.

AZƏRTAC Azərbaycan Güləş Federasiyasına istinadla xəbər verir ki, martın 5-dən ölkə xaricində növbəti hazırlıq prosesinə start verən millimiz martın 19-da toplanışı yekunlaşdıraraq Vətənə qayıdacaq.

Baş məşqçi Saypulla Absaidov, böyük məşqçi Zəlimxan Hüseynov, məşqçilər Arif Abdullayev və Sadruddin Ayqubovun rəhbərliyi altında keçirilən məşqlərdə həm fiziki, həm də taktiki-texniki hazırlığa diqqət yetirilir. Gələn ay Rumıniyanın paytaxtı Buxarestdə təşkil olunacaq Avropa çempionatına hazırlıq xarakteri daşıyan təlim-məşq toplanışı yerli komanda ilə birgə keçirilir.

Qeyd edək ki, yunan-Roma güləşi və qadınlardan ibarət millilərimiz qitə birinciliyinə Bakıda hazırlaşırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.