İDMAN


“Şerif” komandasına 2:1 hesabı ilə qalib gələn “Qarabağ” UEFA Çempionlar Liqasının “play-off” mərhələsinə adlayıb YENİLƏNİB

Bakı, 1 avqust, AZƏRTAC

“Şerif”-“Qarabağ” oyunu başa çatıb. Qurban Qurbanovun yetirmələri səfər oyununda 2:1 hesabı ilə qalib gələrək iki oyunun nəticəsinə görə Çempionlar Liqasının “play-off” mərhələsinə yüksəlib.

22:48

"Qarabağ" klubu Moldovanın “Şerif” komandası ilə oyunda hesabı artırıb. Rəqib komandanın qapısına ikinci topu 86-cı dəqiqədə komandamızın yarımmüdafiəçisi Miçel vurub.

21:50

“Şerif” - “Qarabağ” oyununun ilk hissəsi 1:0 hesabı ilə komandamızın xeyrinə başa çatıb. 

Oyuna fəal başlayan Moldova komandasının futbolçuları bir neçə real qol imkanları yaratsalar da, bundan yararlana bilməyiblər. Müdafiədə dəqiq oynayan “Qarabağ” qapısını toxunulmaz saxlayıb və təhlükəli əks-hücumlar təşkil edib. Matçın 39-cu dəqiqəsində Qara Qarayevin cərimə zərbəsi qapıdan bir qədər aralı keçib. Bundan dörd dəqiqə sonra rəqib komandanın qapıçısı Donald Qeryenin güclü zərbəsini çətinliklə dəf edib. Nəhayət, birinci hissəyə əlavə edilmiş dəqiqələrdə Dino Ndlovu oyunda hesabı açıb.

21:00

Ağdamın “Qarabağ” komandası futbol üzrə UEFA Çempionlar Liqasının üçüncü təsnifat mərhələsi çərçivəsində cavab matçına çıxıb.

AZƏRTAC xəbər verir ki, Ağdam klubu səfərdə Moldovanın “Şerif” komandası ilə qarşılaşır.

“Qarabağ”ın start heyətində İbrahim Şehiç, Qara Qarayev, Maksim Medvedev, Rəşad Sadıqov, Bədavi Hüseynov, Riçard Almeyda, Miçel, Dino Ndlovu, Donald Qerye, Ansi Aqolli və Mahir Mədətov yer alıblar.

Moldova çempionunun ilk on birliyində isə meydana Zvonimir Mikoliç, Raku Petru, Viktor Oliviera, Jeremy De Nooiyer, Kristiano Da Silva, Vitalie Damaşkan, Kiril Bayala, Yosip Brezoviç, Ziduy Badibanqa, Mateo Susiç və Vaçeslav Posmak çıxıblar.

Tiraspol şəhərində “Şerif” stadionunda keçirilən oyunu İsraildən olan hakimlər briqadası idarə edir. Matçın baş hakimi Roy Reynşreyberdir. Ona həmyerliləri Amihay Yehoşua Mozes və Dan Uçeniç kömək edirlər. Oyunda dördüncü hakim funksiyasını Daniel Bar Natan yerinə yetirir.

Xatırladaq ki, bu komandalar arasında Bakıdakı ilk görüş 0:0 hesabı ilə başa çatıb.

Azərbaycan çempionu səfərdə sərfəli nəticə əldə edəcəyi təqdirdə qitənin ən nüfuzlu klub turnirində “play-off” mərhələsinə vəsiqə qazanan ilk Azərbaycan klubu olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.