DÜNYA


Seul və Vaşinqton dəniz piyadalarının birgə təlimlərinə başlayıb

Bakı, 5 noyabr, AZƏRTAC

Koreya Respublikası və ABŞ yarım illik fasilədən sonra noyabrın 5-də dəniz piyadalarının tabor səviyyəsində müştərək təlimlərinə başlayıb.

AZƏRTAC TASS informasiya agentliyinə istinadla xəbər verir ki, Koreya Respublikasının Milli Müdafiə Nazirliyinin məlumatına əsasən, manevrlərdə hər iki tərəfdən 500-yə yaxın hərbçi, həmçinin piyadaların desant-hücum döyüş maşınları iştirak edəcək. ABŞ təlimlərdə Yaponiyada dislokasiya olunan dəniz piyadalarının 3-cü Ekspedisiya Korpusunun hərbçiləri ilə təmsil olunacaq. Koreya Respublikasının cənub-şərqində yerləşən Phohan rayonunda baş tutacaq manevrlərin məqsədi “müştərək müdafiə vəziyyətini gücləndirmək” və qarşılıqlı əlaqə səviyyəsini artırmaqdır.

Qeyd edək ki, 2018-ci ildə 18 belə manevr planlaşdırılsa da, onların bir hissəsi Seul və Pxenyan arasında münasibətlərin istiləşməsi fonunda ləğv olunub. 2019-cu ildə isə dəniz piyadalarının 24 birgə manevri keçirilməlidir.

Seul təlimlərin miqyasının kiçik olması səbəbindən KXDR-in buna tənqidi yanaşmayacağına ümid edir. Bir qədər əvvəl Cənubi Koreya və ABŞ-ın avqust ayına planlaşdırılan miqyaslı “Ulchi Freedom Guardian” və dekabra planlaşdırılan “ВВС Vigilant Ace” təlimləri ləğv edilmişdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.