QAN YADDAŞI


Tacikistan mətbuatında 20 Yanvar faciəsi ilə bağlı material yayımlanıb

Düşənbə, 20 yanvar, АZƏRTAC

Tacikistanın “faraj.tj” portalında 20 Yanvar faciəsi ilə bağlı tacik dilində material yayımlanıb.

AZƏRTAC xəbər verir ki, məqalədə 20 Yanvar faciəsinin yaranma səbəbləri haqqında ətraflı məlumat verilir.

Materialda deyilir ki, Azərbaycan xalqının azadlığı və müstəqilliyi uğrunda Bakının küçələrinə əliyalın çıxan insanlar keçmiş SSRİ-nin rəhbəri Mixail Qorbaçovun əmri ilə sovet ordusu və daxili qoşunların hissələri tərəfindən güllələnib. Bir gecənin içində günahsız insanlar - qocalar, qadınlar, uşaqlar qətlə yetirilib, 700-dən artıq insan yaralanıb və itkin düşüb. Yalnız yanvarın 20-də səhər tezdən radio ilə Bakıda fövqəladə vəziyyət elan edilməsi haqqında M.Qorbaçovun fərmanı oxunub.

Məqalədə faciədən bir gün sonra o vaxt Moskvada yaşayan dünya şöhrətli siyasətçi Heydər Əliyevin Azərbaycan nümayəndəliyinə getməsi, mətbuat konfransı keçirməsi və SSRİ-nin rəhbərlərini ittiham etməsi haqqında da məlumat verilir.

Bildirilir ki, 1990-cı ilin 20 yanvar günü Azərbaycan xalqının yaddaşında Qanlı Yanvar faciəsi, eyni zamanda qəhrəmanlıq rəmzi kimi qalıb. O müdhiş gündən 31 il keçməsinə baxmayaraq hər il Azərbaycan xalqı bu günü qeyd edir, Şəhidlər xiyabanına gedərək onların ruhu qarşısında baş əyir.

Qulu Kəngərli

AZƏRTAC-ın xüsusi müxbiri

Düşənbə 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.