DÜNYA


“Tapa” qasırğası Koreya Respublikasında insan tələfatına səbəb olub

Pekin, 22 sentyabr, AZƏRTAC

Koreya Respublikasının cənub sahillərində güclü külək və şiddətli yağışlara səbəb olan “Tapa” qasırğası nəticəsində bir nəfər ölüb, iki sakin xəsarət alıb.

AZƏRTAC yerli KİV-lərə istinadla xəbər verir ki, qasırğanın törətdiyi fəsadlar səbəbindən 500-ə yaxın təyyarə reysi təxirə salınıb. Bir neçə ev qismən və ya tamamilə dağılıb. Bəzi yerlərdə elektrik enerjisinin verilişində fasilələr yaranıb.

Koreya Respublikasının Meteorologiya Administrasiyasının məlumatına əsasən, qasırğa Cecu adasından 170 kilometr cənubdan saatda 29 kilometr sürətlə sahilə doğru hərəkət edib. Qasırğa ölkənin ikinci böyük şəhəri olan Busanda da dağıntılara səbəbə olub.

Müvafiq qurumlar əhaliyə xəbərdarlıq edib.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.