REGİONLAR


Tbilisidə keçirilən beynəlxalq konqresdə ölkəmiz də iştirak edib

Tbilisi, 14 mart, AZƏRTAC

Tbilisidə üçüncü Beynəlxalq Qafqaz Süd Sənayesi konqresi keçirilib.

AZƏRTAC xəbər verir ki, ölkəmizi bu tədbirdə “Yalama Aqropark” MMC-nin nümayəndəsi Sərdar Hacıyev təmsil edib.

O, konqresdə çıxış edərək Azərbaycanda aqrar sahənin inkişafı, bu sahəyə yatırılan investisiyalar, yeni yaradılan aqrar sənaye müəssisələri, o cümlədən aqroparklar barədə məlumat verib.

Xüsusi təqdimatla çıxış edən S.Hacıyev bildirib ki, “Yalama Aqropark” ölkə üzrə yaradılmış ilk aqroparkdır. “Yalama Aqropark”da innovativ üsullardan və müasir texnologiyadan istifadə edildiyindən istehsal sahələri üzrə ölkədə ən yüksək məhsuldarlıq səviyyəsinə nail olunub.

Təqdimat maraqla qarşılanıb.

Konqresdə, həmçinin dünyada geni dəyişdirilmiş məhsulların istehsalının yaratdığı problemlərə toxunulub, təbii süd, ət və digər ərzaq məhsullarının istehsalının artırılmasının, aqrar sahəyə investisiya qoyuluşunun artırılması və digər məsələlər müzakirə olunub.

Yeni heyvan sortlarının yetişdirilməsi, müştərək heyvandarlıq müəssisələrinin yaradılması, ölkələr arasında ticarət əlaqələrinin qurulması məsələləri də diqqət mərkəzində olub.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.