İDMAN


Türkiyə Superliqası: “Qalatasaray” və “Beşiktaş” qələbə qazanıb

Bakı, 28 aprel, AZƏRTAC

Aprelin 28-də futbol üzrə Türkiyə çempionatının XXXVIII turu çərçivəsində keçirilən qarşılaşmada “Qalatasaray” doğma meydanda “Konyaspor”u qəbul edib.

AZƏRTAC xəbər verir ki, görüşdə meydan sahibləri minimal hesabla qələbə qazanıblar. İstanbul təmsilçisinin yeganə qolunu Emre Akbaba vurub.

Günün digər qarşılaşmasında "Beşiktaş" səfərdə "Rizəspor"u 3:2 hesabı ilə məğlub edib. "Kayserispor" doğma divarlar arasında "Dənizlispor"u 6:3 hesabı ilə darmadağın edib. "Fatih Karagümrük" - "Antalyaspor" matçı 2:2, "Göztəpə" - "Trabzonspor" görüşü isə 1:1 hesablı bərabərliklə bitib.

Hazırda Türkiyə Superliqasının turnir cədvəlinə 78 xalla “Beşiktaş” başçılıq edir. İkinci pillədə 72 xal toplayan “Qalatasaray”, üçüncü pillədə isə onunla eyni xala malik olan “Fənərbağça" qərarlaşıb.

Qeyd edək ki, yeni mövsümdə Superliqada 21 komanda yarışır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.