DÜNYA


Türkiyədə son üç gündə 18 terrorçu zərərsizləşdirilib

Ankara, 3 noyabr, AZƏRTAC 

Türkiyənin Şırnak vilayətinin Silopi rayonunda, Cudi dağının ətəklərində yerləşən mağarada 8 terrorçu məhv edilib.

AZƏRTAC rəsmi mənbələrə istinadla xəbər verir ki, bu terrorçular bölgədə həyata keçirilən "Hançer-6” antiterror əməliyyatı nəticəsində zərərsizləşdirilib. Mağarada, həmçinin onlara məxsus silah, sursat və yaşayış üçün zəruri əşyalar olub.

Daxili İşlər Nazirliyinin məlumatına görə, oktyabrın 31-dən noyabrın 2-dək ölkə ərazisində həyata keçirilən əməliyyatlarda 18 terrorçu zərərsizləşdirilib. “Kemal Bagok” ləqəbli Lokman Gençin meyiti Şırnakın Güçlükonak rayonunda aşkarlanıb. Axtarışda olan bu təhlükəli terrorçu oktyabrın 4-də Mardinin Dargeçit rayonunda 8 əsgərin şəhid olduğu terror aktının təşkilatçısı və iştirakçısı olub.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.