SİYASƏT


Türkiyənin vitse-prezidenti Azərbaycanın qardaş ölkədəki səfirini qəbul edib

Ankara, 6 may, AZƏRTAC

Türkiyənin vitse-prezidenti Fuat Oktay mayın 6-da Ankarada Azərbaycanın qardaş ölkədəki səfiri Rəşad Məmmədovu qəbul edib.

Azərbaycanın Türkiyədəki səfirliyindən AZƏRTAC-a verilən məlumata görə, görüşdə ölkələrimiz arasında ticarət, iqtisadi, texnologiyalar, müdafiə və səhiyyə sahələrində əlaqələr və əməkdaşlığın perspektivləri müzakirə olunub.

Qardaşlıq münasibətlərinin inkişaf dinamikasından məmnunluğunu ifadə edən səfir Rəşad Məmmədov Azərbaycan-Türkiyə Yüksək Səviyyəli Strateji Əməkdaşlıq Şurasının, Azərbaycan Respublikası ilə Türkiyə Respublikası arasında İqtisadi Əməkdaşlıq üzrə Birgə Hökumətlərarası Komissiyanın və Azərbaycan-Türkiyə Qarışıq Komissiyasının fəaliyyətlərinin daha da genişləndirilməsinin, eləcə də birgə işçi qruplar vasitəsilə qurumlararası əməkdaşlığın daha da gücləndirilməsinin əhəmiyyətini vurğulamışdır.

“Bir millət, iki dövlət” ifadəsinin sözdə deyil, həyat gerçəyi olduğunu xatırladan vitse-prezidenti Fuat Oktay diqqətə çatdırıb ki, Şuşa Bəyannaməsi çərçivəsində başda müdafiə məsələlərin əməkdaşlıq olmaqla iki ölkə arasındakı münasibətlər bütün sahələr üzrə inkişaf dinamikası ilə irəliyə doğru hərəkət edir.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.