İQTİSADİYYAT


Türkmənistanda Xəzər İnnovasiya Texnologiyaları Sərgisi açılıb

Avaza, 11 avqust, АZƏRTAC

Avqustun 11-də Türkmənistanın Türkmənbaşı Beynəlxalq Dəniz Limanında Birinci Xəzər İqtisadi Forumu çərçivəsində “Türkmən səhrası-2019” adlı Xəzər İnnovasiya Texnologiyaları Sərgisinin açılışı olub.

AZƏRTAC xəbər verir ki, sərginin açılışında Türkmənistan Prezidenti Qurbanqulu Berdiməhəmmədovun təbrik məktubu oxunub.

Sərgi çərçivəsində Azərbaycan, Rusiya, Qazaxıstan, İran və Türkmənistanın milli stendlərinin təqdimatı keçirilib.

Həmçinin Niderland, BƏƏ, Çin, Türkiyə, Belarus, Fransa, Yaponiya, Almaniya, Özbəkistan, Finlandiya və digər ölkələrin şirkətləri də sərgidə iştirak edirlər.

Sərgidə ölkəmizi Nəqliyyat, Rabitə və Yüksək Texnologiyalar Nazirliyi, SOCAR, İnnovasiyalar Agentliyi, AZPROMO, “Bakı Beynəlxalq Dəniz Ticarət Limanı” QSC, “Azərmarka” MMC, Turizm Agentliyi, Mənzil İnşaatı Dövlət Agentliyi, “Azərtelecom”, “Bestcom group” və R.I.S.K. şirkətləri təmsil edirlər.

Avqustun 12-dək davam edəcək sərgi çərçivəsində müxtəlif şirkətlərin nümayəndələri arasında ikitərəfli görüşlər keçirilib.

İlahə Əhmədova

AZƏRTAC-ın xüsusi müxbiri

Avaza

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.