İDMAN


UEFA Avropa Liqası: "Milan" avrokuboklar tarixində 200-cü qələbəsini qazanıb

Bakı, 5 oktyabr, Nicat Məmmədov, AZƏRTAC

Oktyabrın 4-də UEFA Avropa Liqasının ikinci turunun növbəti oyunu keçirilib.

AZƏRTAC xəbər verir ki, İtaliyanın F qrupunda yer alan "Milan" klubu "San Siro" stadionunda Yunanıstanın "Olimpiakos" komandasını qəbul edib. Oyunun favoriti sayılan milanlılar ilk dəqiqələrdən rəqibin qapısı qarşısında bir neçə təhlükəli vəziyyət yaradıb. Buna baxmayaraq, hesabı yunanlar açıb. Leonardo Koutrisin cinah ötürməsini Guerero dəqiq baş zərbəsi ilə tamamlayıb - 0:1. Fasiləyə qədər hesab dəyişilməmiş qalıb.

Qarşılaşmanın ikinci hissəsində "Milan" klubunun hücumçusu Qonsalo Hiquayin qapıçı ilə təkbətək qalsa da rəqibin qolkiperi inamlı oynayıb. Matçın 70-ci dəqiqəsində "rossoneri"lər uzun sürən təzyiqdən sonra hesabı bərabərləşdirməyə nail olublar. Bu dəfə də qol cinah ötürməsindən sonra baş tutub. Belə ki, Rikardo Rodriqezin ötürməsini Patrik Kutrone baş zərbəsi ilə yekunlaşdırıb - 1:1. Qoldan altı dəqiqə sonra milanlılar yenidən fərqlənib. Qonsalo Hiquayinin fərdi ustalığı sayəsində iki müdafiəçinin arasından qapıya dəqiq zərbə vurub - 2:1. Oyunda son nöqtəni yenidən Patrik Kutrone qoyub - 3:1. Görüş 3:1 hesabı ilə "Milan" klubunun qələbəsi ilə başa çatıb. Beləliklə, "Milan" avrokuboklar tarixində 200-cü qələbəsini qazanıb.

F qrupunda italyanlar ardıcıl ikinci qələbələrini qazanıblar. İlk turda Genaro Qatuzonun yetirmələri səfərdə "Dudelanc" komandasını məğlub edib (1:0). Bu qrupun digər oyununda "Real Betis" "Dudelanc" klubunun qapısından üç cavabsız top keçirib.

Turun digər oyunlarında aşağıdakı nəticələr qeydə alınıb:

"A" qrupu

"Bayer Leverkuzen" - AEK - 4:2

"Cürix" - "Ludaqorec" - 1:0

"B" qrupu

"Rosenborq" - "Leypziq" - 1:3

"Zalzburq" - "Seltik" - 3:1

"C" qrupu

"Bordo" - "Kopenhagen" - 1:2

"Zenit" - "Slaviya Praga" - 1:0

"D" qrupu

"Anderlext" - "Dinamo Zaqreb" - 0:2

"Fənərbaxça" - "Sparta Trnava" - 2:0

"E" qrupu

"Qarabağ" - "Arsenal" - 0:3

"Vorskla" - "Sportinq" - 1:2

"G" qrupu

"Qlazqo Reyncers" - "Rapid Vyana" - 3:1

"Spartak Moskva" - "Vilyareal" - 3:3

"H" qrupu

"Apallon Limassol" - "Marsel" - 2:2

"Ayntraxt" - "Lazio" - 4:1

"İ" qrupu

"Malmö" - "Beşiktaş" - 2:0

"Sarpsborg 08" - "Genk" - 3:1

"J" qrupu

"Krasnodar" - "Sevilya" - 2:1

"Standard Leqiya" - "Akhisarspor" - 2:1

"K" qrupu

"Astana" - "Renn" - 2:0

"Yablonec" - "Dinamo Kiyev" - 2:2

"L" qrupu

BATE - PAOK - 1:4

"Çelsi" - "Vidi" - 1:0.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.