ELM VƏ TƏHSİL


UNEC-in tələbələri beynəlxalq təqaüd proqramının qalibi olub

Bakı, 1 iyun, AZƏRTAC

Azərbaycan Dövlət İqtisad Universitetinin (UNEC) 6 tələbəsi Vışegrad beynəlxalq təqaüd proqramının qalibi olub.

UNEC-dən AZƏRTAC-a bildirilib ki, Vışegrad beynəlxalq təqaüd proqramı magistr və doktorantura dərəcəsinə müraciət edən tələbələri V4 ölkələrində (Çexiya, Macarıstan, Polşa, Slovakiya) təhsil almaq üçün maliyyələşdirir.

Proqrama hər il dünyanın müxtəlif ölkəsindən yüzlərlə tələbə müraciət edir. Bu il Azərbaycanda keçirilən müsabiqədə 15 tələbə təqaüd proqramının qalibi olub ki, onların 6 nəfəri UNEC tələbəsidir. UNEC “SABAH” Mərkəzinin 4-cü kurs tələbələri Sevinc Quliyeva, Fəridə Səfiyeva, Ayla Quliyeva, Beynəlxalq İqtisadiyyat Məktəbinin tələbələri Nazir Abbasov, Nərmin Əkbərli, İqtisadiyyat fakültəsindən isə Pərviz Süleymanov beynəlxalq təqaüdü qazanaraq, Avropada təhsillərini davam etdirmək hüququ əldə ediblər.

Təqaüdün ümumi miqdarı 16 min avro təşkil edir və tələbəyə semestr ərzində 2500 avro (aylıq 480 avro), oxuduğu universitetə isə illik 3000 avro ödəniş olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.