DÜNYA


Ukrayna hökuməti ölkə daxilində qırmızı zona rejiminin tətbiqi ehtimalını istisna etmir

Kiyev, 9 sentyabr, AZƏRTAC

Ukraynada koronavirusla bağlı epidemioloji vəziyyətin pisləşəcəyi təqdirdə Səhiyyə Nazirliyi ölkə ərazisində qırmızı zona (gücləndirilmiş karantin məhdudiyyətləri olan zona) rejimini tətbiq edə bilər.

AZƏRTAC “RBK-Ukrayna” informasiya agentliyinə istinadla xəbər verir ki, Səhiyyə Nazirliyində əhalinin sağlamlığının hökumətin prioritet hədəfi olduğu üçün bu qərarın koronavirusa yoluxma hallarının artmasının qarşısının alınması məqsədilə qəbul edilə biləcəyi bildirilib.

Bununla yanaşı, Ukrayna hökuməti biznes qurumlarının fəaliyyətini məhdudlaşdırmamaq üçün gələcəkdə də adaptiv karantin yolu ilə hərəkət etməyi planlaşdırır.

Qeyd edək ki, Ukrayna Səhiyyə Nazirliyinin açıqladığı son məlumatlara görə, son gün ərzində ölkədə koronavirusa 2551 yeni yoluxma halı qeydə alınıb. Bu da koronavirusla bağlı vəziyyətin ciddi olduğunu göstərir. Bu xəstəliyə yoluxanların ümumi sayı 143 min 30 nəfərə çatıb.

Rüstəm Məmmədov

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.