DÜNYA


Ukraynada Qolodomor qurbanlarının xatirəsi anılır

Kiyev, 28 noyabr, AZƏRTAC

Bu gün, noyabrın 28-i Ukraynada Qolodomor qurbanlarının xatirə günü qeyd edilir. Kiyev vaxtı ilə saat 16.00-da bir dəqiqəlik sükut keçirilir, daha sonra bütün Ukrayna ərazisində “Şam yandır” aksiyası başlayır.

AZƏRTAC xəbər verir ki, xatirə günü hər il noyabrın dördüncü şənbəsində keçirilir.

Qolodomor qurbanlarının xatirə günü rəsmi olaraq 1998-ci ildən qeyd edilir. Tədbir ilk on il Kiyevdə, Mixaylov meydanında keçirilirdi. 2008-ci ildən başlayaraq, “Qolodomor qurbanları memorialı” Milli Muzeyi açıldıqdan sonra tədbir orada keçirilir.

Ukrayna Milli Elmlər Akademiyasının Ptuxa adına Demoqrafiya və Sosial Tədqiqatlar İnstitutunun məlumatına görə, Qolodomor nəticəsində 3 milyon 943 min insan həlak olub. Tarixçilər bu rəqəmləri təqribən 7 milyon göstərirlər.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.