İDMAN


Ümumdünya Şahmat Olimpiadası: Qadın şahmatçılarımız ikinci turu da maksimum nəticə ilə başa vurublar

Bakı, 30 iyul, AZƏRTAC

Hindistanın Çennay şəhərində 44-cü Ümumdünya Şahmat Olimpiadası davam edir.

AZƏRTAC xəbər verir ki, bu gün keçirilən ikinci turda Gülnar Məmmədova, Gövhər Beydullayeva, Xanım Balacayeva və Ülviyyə Fətəliyevadan ibarət qadın yığmamız Finlandiya şahmatçılarını maksimum (4:0) xalla məğlub edərək növbəti qələbəyə imza atıblar. Qeyd edək ki, bundan əvvəl Rauf Məmmədov, Qədir Hüseynov, Vasif Durarbəyli və Nicat Abasovdan ibarət olan kişi millimiz Filippin yığmasına 3:1 hesabı ilə qalib gəlib.

Xatırladaq ki, hər iki komandamız birinci turu da qələbə ilə başa vurub.

Olimpiadada kişilərin yarışında 188, qadınların turnirində isə 162 ölkədən komandalar mübarizə aparır.

İsveçrə sistemi üzrə keçirilən və 11 turdan ibarət yarış avqustun 9-dək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.