İDMAN


Veyk-an-Zee şahmat festivalında Şəhriyar Məmmədyarov və Teymur Rəcəbov iştirak edəcəklər

Bakı, 7 yanvar, AZƏRTAC

Hollandiyanın eyniadlı şəhərində yanvarın 11-də dünyanın ən mötəbər turnirlərindən biri hesab olan Veyk-an Zee şahmat festivalı (“Tata Stell Chess-2019) start götürəcək.

AZƏRTAC xəbər verir ki, artıq 81-ci dəfə keçiriləcək turnirdə iştirakçıların yekun siyahısı məlum olub. Bu nüfuzlu yarışda ölkəmizi Şəhriyar Məmmədyarov və Teymur Rəcəbov təmsil edəcəklər. Dünya çempionu norveçli Maqnus Karlsen və iki keçmiş dünya çempionu Vişvanatan Anand və Vladimir Kramnik, ev sahibi olan Aniş Giri və 2018-ci ilin ən yaxşı performans göstərən şahmatçısı, çinli Dinq Lirenin də qatılacağı yarış dairəvi sistemlə 14 turdan ibarət olacaq. 12 tur Veyk-an-Zee şəhərində, 5-ci turun oyunları Alkmar şəhərində, 10-cu turun oyunları isə Leydendə keçirilməsi planlaşdırılır.

Əsas (“Masters”) turnirlə bərabər festival çərçivəsində “Challengers” yarışları da keçiriləcək. Qeyd edək ki, qrossmeysterimiz Teymur Rəcəbov 2007-ci ildə Veyk-an-Zee turnirinin qaliblərindən biri olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.