İQTİSADİYYAT


Vüsal Kərimli: 2022-ci ildən sonra Bakıda avtobuslar alternativ yanacaq növlərindən istifadə edəcək

Bakı, 16 mart, Pərvanə Rəhimova, AZƏRTAC

2022-ci ildən sonra Bakı şəhərində ictimai nəqliyyatda istifadə olunacaq avtobusların alternativ yanacaq növlərindən istifadəsi təşviq edilir. Yəni, 2022-ci ildən etibarən artıq dizel deyil, sıxılmış təbii qaz, elektrik avtobuslar istifadə olunması istiqamətində islahatlar aparılır. Bunu həyata keçirmək üçün böyük infrastruktur işləri görülməlidir. Bu gün “BakuBus” ərazisində sıxılmış təbii qaz yanacaqdoldurma məntəqəsi var. Bu işlərlə əlaqədar SOCAR-la danışıqlar aparılır. Bakının digər ərazilərində də belə yanacaqdoldurma məntəqələrinin tikilməsi müzakirə olunur.

AZƏRTAC xəbər verir ki, bu barədə Bakı Nəqliyyat Agentliyinin idarə heyətinin sədri Vüsal Kərimli məlumat verib.

O bildirib ki, Prezident İlham Əliyevin göstərişi ilə Bakı şəhərində ictimai nəqliyyatda istifadə olunan sıxılmış təbii qaz və alternativ yanacaqlardan istifadə olunması ətraf mühitin qorunması, vətəndaşımızın və gələcəyimizin sağlamlığına nəzərdə tutulmuş bir islahatdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.