DÜNYA


Vyetnam hökuməti prezidentin ölümü ilə bağlı ölkədə matəm elan edib

Bakı, 24 sentyabr, AZƏRTAC

Vyetnam hökuməti ölkə prezidenti Çan Day Kuanqın vəfatı ilə əlaqədar sentyabrın 26-27-də ümummilli matəm elan edib.

AZƏRTAC TASS informasiya agentliyinə istinadla xəbər verir ki, matəm günləri ölkədə milli bayraqlar endiriləcək, bütün əyləncəli tədbirlər ləğv olunacaq, televiziya kanalları, radio stansiyalar və mədəniyyət müəssisələri öz proqramlarına dəyişikliklər edəcək.

Sentyabrın 26-da prezidentin nəşi Milli Müdafiə Nazirliyinin dövlət matəm zalına qoyulacaq. Dəfn mərasimi sentyabrın 27-də mərhum siyasətçinin doğma kəndində - ölkənin şimalında yerləşən Ninbin əyalətinin Kimşon bələdiyyəsində keçiriləcək.

Xatırladaq ki, Vyetnam Prezidenti Çan Day Kuanq ötən həftə müalicəsi mümkün olmayan nadir virus xəstəliyindən vəfat edib. O, ölkəyə 2016-cı ildən rəhbərlik edirdi və beş il müddətinə prezident seçilmişdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.