Bakı, 2 dekabr (AZƏRTAC). “Xalq Bank”ın Şəmkir şəhərində yeni filialı fəaliyyətə başlamışdır.

Bankdan AZƏRTAC-a bildirmişlər ki, yeni filial əhaliyə və bölgədə fəaliyyət göstərən müəssisələrə əmanətlər, müxtəlif növ kreditlər, valyuta mübadiləsi, plastik kartlar, hesablaşma-kassa və təcili pul köçürmələri üzrə əməliyyatlar da daxil olmaqla, tam spektrli bank xidmətlərindən yararlanmaq imkanı verir.