DÜNYA


Yaponiyanın Oqasavara adaları yaxınlığında 6,3 bal gücündə zəlzələ olub

Tokio, 4 yanvar, AZƏRTAC

Yanvarın 4-də yerli vaxtla səhər saat 6:09 dəqiqədə Yaponiyanın paytaxtı Tokiodan 1200 kilometr cənubda yerləşən Oqasavara adaları yaxınlığında 6,3 bal gücündə zəlzələ baş verib.

AZƏRTAC xəbər verir ki, bu barədə Yaponiya Meteorologiya Agentliyi məlumat yayıb.

Yeraltı təkanların episentrinin Sakit okeanda, təqribən 2 min nəfərin yaşadığı Tiçizima adaları yaxınlığında, ocağının 70 kilometr dərinlikdə yerləşdiyi bildirilir. Sunami xəbərdarlığı elan edilməyib.

Dağıntılar və zərərçəkənlər barədə hələlik məlumat verilmir. Meteoroloqlar qarşıdakı həftə ərzində təkrar təkanlar barədə xəbərdarlıq ediblər.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.