DÜNYA


Yeni Zelandiya parlamenti evtanaziyaya icazə verən qanun layihəsini dəstəkləyib

Bakı, 13 noyabr, AZƏRTAC

Bu gün Yeni Zelandiya parlamenti evtanaziyaya icazə verən qanun layihəsini qəbul edib.

AZƏRTAC “New Zealand Herald” nəşrinə istinadla xəbər verir ki, iki il davam edən qızğın diskussiyalardan sonra parlamentin 70 üzvü qanun layihəsinin leyinə, 50 deputat isə əleyhinə səs verib.

Sənədə əsasən, özünü könüllü şəkildə həyatdan məhrumetmə hüququ yalnız həkimlərin diaqnozuna uyğun olaraq altı aydan az ömrü qalan ağır xəstələrə veriləcək.

Qanun layihəsi qüvvəyə minmək üçün gələn il keçirilməsi nəzərdə tutulan referendumda xalqın dəstəyini qazanmalıdır. İyul ayında keçirilən ictimai rəy sorğusuna görə, yeni zelandiyalıların 72 faizi sağalmaz xəstəliyə düçar olan insanlar üçün evtanaziya prosesini dəstəkləyir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.