İDMAN


Yeniyetmə badmintonçular arasında Bakı şəhər birinciliyinə yekun vurulub

Bakı, 11 mart, AZƏRTAC

Azərbaycan Badminton Federasiyasının (ABF), Bakı Şəhər Gənclər və İdman Baş İdarəsinin birgə təşkilatçılığı ilə 5 nömrəli Bakı Peşə Liseyində keçirilən 2002-2004-cü il təvəllüdlü badmintonçular arasında keçirilən Bakı şəhər birinciliyinə yekun vurulub.

Federasiyadan AZƏRTAC-a bildiriblər ki, yarışda 27 oğlan və 16 qız iştirak edib. Qaliblər beş kateqoriya üzrə müəyyənləşib. Şəxsi görüşlərdə oğlanların yarışında Aqil Qəbilov, qızlardan isə Nigar Əliyeva birinci olublar. Qoşa görüşlərdə isə Rəvan Niftəliyev-Aqil Qəbilov dueti, qızlarda isə Nigar Əliyeva-Elnurə Cəfərova cütlüyü fəxri kürsünün ən yüksək pilləsinə qalxıblar. Qarışıq qoşa yarışlarında isə Elnurə Cəfərova - Aqil Qəbilov bütün rəqiblərini üstələyərək birinci yerə layiq görülüblər.

Qaliblər hədiyyə, diplom və medallarla təltif olunublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.